Hungaria dhe Serbia pritet t’i shtrojnë tapetin e kuq udhëheqësit kinez Xi 07/05 23:18
Turqia dyfishoi tarifat për disa importe amerikane duke përfshirë alkoolin, makinat dhe duhanin, në hakmarrje për lëvizjet e SHBA-ve, por lira fitoi sërish terren ndaj dollarit, e ndikuar nga lëvizjet e likuiditetit të bankës qendrore.
Ankaraja veproi mes rritjes së tensionit midis dy aleatëve të NATO-s, lidhur me ndalimin e një pastori të krishterë amerikan dhe çështjeve të tjera diplomatike, të cilat kanë ndihmuar në rënien e monedhës turke kundrejt dollarit.
Monedha ka humbur rreth 40 për qind kundrejt dollarit këtë vit, e nxitur nga shqetësimet mbi ndikimin në rritje të presidentit Tayyip Erdogan në ekonomi dhe thirrjet e tij të përsëritura për norma interesi më të ulëta pavarësisht inflacionit të lartë.
Lira u ringrit rreth 6 për qind sot ndaj dollarit, pasi Banka Qendrore shtrydhi likuiditetin e lirës në treg, duke nxitur në mënyrë efektive normat dhe duke mbështetur monedhën.
Optimizmi për marrëdhënie më të mira me Bashkimin Evropian, pasi një gjykatë turke lëshoi dy ushtarë grekë në pritje të gjyqit dhe një hap i mbikëqyrjes bankare për të kufizuar transaksionet e këmbimit valutor, kanë ndihmuar gjithashtu lirën.
Top Channel
