Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
Kimi Raikkonen duket se do të qëndrojë te Ferrari edhe për dy vitet e ardhshme.
Sipas lajmeve që vijnë nga Franca, pas ndarjes nga jeta të Sergio Marchionnes “kokëkuqja” italiane ka ndryshuar strategji, e ka vendosur që të rinovojë kontratën me pilotin finlandez, duke vënë në plan të parë vazhdimësinë e bashkëpunimit mes Vettelit e Raikkonenit.
Vetëm përpara pak muajsh, në ambientet e skuderisë italiane flitej për ardhjen e mundshme të Charles Leclerc, për të marrë vendin e Kimi Raikkonen, por kjo lëvizje duket se është shtyrë për më vonë.
Gjithnjë sipas medies franceze, zyrtarizimi i rinovimit të kontratës mendohet se do të bëhet në Çmimin e Madh të Belgjikës, gara e parë e Formulës 1 pas pushimeve të verës, ose më 2 shtator, kur është planifikuar të zhvillohet gara e Monzas në Itali.
Top Channel
