Ujërat e zeza në det; Vijojnë shkarkimet pranë plazheve në Durrës
31/07/2018 15:28
Moti i keq “paralizon” edhe Durrësin! Përmbyten rrugët 22/11 19:08
Kanali i ujërave të larta në Plepa të Durrësit është kthyer jo vetëm në një vatër infeksionesh për pushuesit në bregdet, po dhe një imazh që dëmton rëndë turizmin e zonës.
Kanali që rrjedh paralel me “Shtëpinë e Pushimit” të Ministrisë së Mbrojtjes zbret nga fshatrat përtej rrugës dhe derdhet në det.
Përveç ujërave të larta në këtë shkarkohen dhe ujërat e përdorur të zonës së mbipopulluar kodrinore të Arapajt, Shkallnurit e një pjese të Shkëmbit të Kavajës, përfshirë dhe ujërat e zeza të dhjetëra ndërtimeve në zonë që ende funksionojnë me gropa septike.
Pushuesit e shumtë, një pjesë e madhe e të cilëve dhe shtetas maqedonas, që frekuentojnë plazhin mes Plepave dhe Shkëmbit të Kavajës ku derdhet dhe kanali thonë se duhet bërë më shumë për pastërtinë e plazhit dhe ujërave të tij.
Ndërkohë sistemi i filtrimit i vendosur disa vite më parë, që mundësonte pastrimin e ujërave të ndotura para derdhjes së tyre në det, nuk është më në funksionim.
Top Channel
