Lajmet kryesore të ditës, 08/07/2018 – 20:00

Dy viktima në uzinën e Laçit
I riu që mbeti i plagosur një ditë më parë duke nxjerrë skrap në ish-uzinën e Laçit ndërroi jetë. Pas kësaj tragjedie me dy viktima, banorët apelojnë që shteti të ndërhyjë dhe të shembë godinën.

Rruga Fier-Cakran pa sinjalistikë
Jo vetëm barrierat mbrojtëse, por edhe sinjalistika e rrugës Fier-Cakran është vjedhur dhe kjo e bën këtë segment prej 25 kilometrash të rrezikshëm për të gjithë drejtuesit e mjeteve.

Infermierët, pa asnjë zgjidhje
Institucionet premtuan, por nuk i kanë dhënë zgjidhje 4 000 infermierëve që u doli problem me diplomat. Ka kaluar 1 javë nga afati i vendosur, ndërsa atyre vijon t’u mbahet nga rroga 6 mijë lekë çdo muaj.

NATO, frikë nga Trump
Në prag të samitit të NATO-s në Bruksel, analistët thonë se Shtetet e Bashkuara të Amerikës mund të shkaktojnë dëme të mëdha në takimin e liderëve të Aleancës së Atlantikut të Veriut. Ata thonë se Kanadaja dhe europianët e presin me frikë qëndrimin e Presidentit Trump, i cili ditë më parë i dërgoi nga një letër kërcënuese.

Granit Xhaka sulmon federatën
Futbollisti me origjinë kosovare, Granit Xhaka sulmon Federatën Zvicerane të Futbollit, pasi zyrtarë të saj kanë hedhur idenë për të mos lejuar futbollistët me dy shtetësi për të qenë pjesë e kombëtares.

Top Channel