Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Aventura europiane për tri ekipet e tjera shqiptare, Partizanin, Luftëtarin dhe Laçin do të nisë me përballjet e para të Europa League, që do të luhen më 12 korrik dhe ato të kthimit më 19 korrik, me ndryshimin e vetëm se Partizani do të luajë në Tiranë fillimisht e më pas jashtë, ndërsa dy të tjerat do t’i kenë ndeshjet e kthimit në Shqipëri.
Goglat e shortit të hedhur në Nion të Zvicrës i kanë vendosur “Demat e kuq” përballë Mariborit të Sllovenisë, gjirokastritët përballë letonezëve të Ventspilsit, ndërsa kurbinasit përballë qipriotëve të Anorthosis Famagustës.
Sa u përket ekipeve të tjera të shqiptarëve, Prishtinës do t’i duhet të kalojë njëherë pengesën Europa FC të Gjibraltarit, përpara se të ndeshet me Fola Esch të Luksemburgut. Ndërkohë, Shkupi i Maqedonisë do të ketë një duel të vështirë përballë Glasgow Rangers të Skocisë.
Sa i përket raundit të dytë kualifikues, Luftëtarit nuk i ka buzëqeshur fati, pasi nëse kualifikohet do të gjejë përballë francezët e Bordosë. Glenavon (Irlanda e Veriut) ose Molde (Norvegji) do të jenë kundërshtarët e radhës për Laçin në raundin e dytë parakualifikues. Ndërkohë, Partizani, nëse kalon pengesën sllovene të Mariborit do të mund të ndeshet me njërin prej Beitar Jerusalemit (Izrael) ose Chikhura Sachkere (Gjeorgji).
Top Channel
