Shkëlqeu në gjysmëfinale, Guardiola i mahnitur nga lojtari i Dortmundit 03/05 22:55
Në Pallatin e sportit “Asllan Rusi”, mbrëmjen e sotme do të zhvillohet sfida e MMA mes Florian Markut dhe serb Sladjan Dragisiç.
Ashtu siç ndodh gjithmonë në prag të çdo dueli sportistët iu nënshtruan procesit të matjes së peshës për të dhënë më pas edhe një konferencë shtypi me Florian Markun që u shfaq i bindur për fitoren.
Një ditë më parë, pas peshimit, Florian Markun që u shfaq i bindur për fitoren, duke thënë se do ta vë në gjumë kundërshtarin që në raundin e parë.
“Mezi po e pres këtë ndeshje dhe jam shumë i motivuar. Dëshira ime është që të përballemi në këmbë. Por ju premtoj se nëse do të ndeshemi në boks atëherë Sladjan do të flerë që në raundin e parë”, u shpreh Florian Marku.
Të njëjtin optimizëm e synim e shfaqi edhe Sladjan Dragisiç.
“E respektoj kundërshtarin tim, Florian Markun. Por unë kam ardhur këtu i përgatitur dhe me synimin për të fituar këtë përballje. Gjithsesi ky është një sport dhe unë uroj që të fitojë më i miri”, tha Dragisiç.
Dueli mes tij dhe Sladjan Dragishic do të zhvillohet në orën 19:00 dhe do të transmetohet nga Digitalb nëpërmjet paketës Supersport.
Top Channel
