Johnny Depp trondit fansat: Çfarë ka ndodhur me idhullin tonë?

Ndoshta pikërisht për këtë arsye, ai është shfaqur me një ngjashmëri vrastare prej një “të gjalli që ka harruar të vdesë”, teksa pozonte me fansat e tij nën flamurin rus, në një prej tureve të tij botërore të kësaj jave. Sigurisht nuk kishte bërë “make up”.

Veshjet dhe përkujdesi që i dedikohet atij për një xhirim u duk qartë që mungonte, ndërsa shfaqej me një fytyrë të zbehtë, të drobitur dhe me sy të futur thellë në zgavrën e tyre, si të ishte i rraskapitur. Një pamje që tronditi fansat në rrjetet sociale, aq sa u dëgjuan edhe “kambanat” e alarmit.

Disa nisën të aludonin se ai ishte i sëmurë, i dobësuar apo me fytyrë të hequr tërësisht. “Më duket se heroi im është i sëmurë”, shkroi një fans. “Duket sikur dikush i ka hequr tubat e jetës (kur dikush mbahet në jetë artificialisht). Por shpresoj që të jetë mirë”, ishte reagimi i një tjetri.

“Zot, a është Johnny Depp ky?”, komentoi një i tretë. Kaq sa për të përgjithësuar reagimet tronditëse të fansave. Por, me të vërtetë që 54-vjeçari u shfaq si i paidentifikueshëm me atë që jemi mësuar të shohim prej tij.

Top Channel