Ekspozitë bamirësie, të ardhurat për familjet në nevojë

Ekspozita e parë erdhi pas bashkëpunimit me “Fundjavën Ndryshe” ku të ardhurat do të shkojnë në ndihmë të familjeve në nevojë. Edhe pse është një artiste mjaft e re në këtë ekspozitë gjen rryma dhe teknika të ndryshme të artit pamor duke filluar që nga ai klasik e për të vazhduar më pas me ekspresionizmin e deri tek mixmedia.

“Kam qënë gjatë gjithë kohës në eksplorim të teknikave të ndryshme. Dhe me periudha të caktuar unë pëlqej diçka të ndryshme, por mësë fundmi unë pëlqej të punoj shumë me duar. Një nga pikturat që është realizuar totalisht me duar, gishta është kjo këtu ” Free Spirit” ( shpirti i lirë ) quhet. Mua më pëlqen ta prek bojën dhe ta vendos aty ku duhet dhe ta ndjej me të gjithë qenien time pikturën. Të gjithë mund të vijnë t’i shikojnë të blejnë një pikturë dhe nuk do kenë thjesht një pikturë, por do të ndihmojnë një familje në nevojë”, thotë Dorjana.

“Në familjet ku ne kemi shkuar kemi pikasur disa talente dhe fëmijë të cilët kanë pasur pasion pikturat. Dhe kemi menduar që pikturat e tyre t’i ekspozojmë për t’i nxitur dhe të promovojmë artin e tyre. Të gjitha të ardhurat që do mblidhen nga kjo ekspozitë do të shkojnë për familjet në nevojë, sepse ne besojmë që sfida më e madhe që mund t’i bëjmë varfërisë është përmes promovimit të artit”, thotë Xhefrei Tola Përfaqësuese e Fundjavës Ndryshe.

Ekspozita është çelur pranë Muzeut Kombëtar dhe do të qëndrojë e hapur për tri ditë. 32 telajot kryesisht janë të punuara me bojëra vaji dhe akrilik.

Top Channel