Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Me sezonin drejt përfundimit, Drejtori Sportiv i Interit, Piero Ausilio vlerësoi pozitivisht këtë vit të zikaltërve, pavarësisht nëse do t’ia dalin të shkojnë në Champions apo jo.
Ai tha se projekti i Suning për ringritjen e Interit po shkon plotësisht sipas pritshmërive, ndërsa Championsi thjesht do të sillte ca miliona më shumë.
“është e vërtetë që do të donim të shkonim në Champions, për të fituar ca miliona më shumë, por kjo nuk cënon aspak projektin e Suning për Interin. Jemi në rrugën e mbarë dhe këtë sezon kemi bërë mjaftueshëm mirë. kemi grumbulluar 13 pikë më shumë se sezonin e kaluar, kur kanë mbetur edhe dy javë nga fundi dhe mund të marrim edhe 6 të tjera”, deklaroi Ausilio.
Me merkaton në prag, nuk mund të mungonin edhe komentet e njeriut që ka për detyrë të përforcojë skuadrën zikaltër, i cili këtë herë zgjodhi të ‘ndezë’ fantazinë e tifozërisë.
“Do të vijojmë punën me Spallettin, pasi jemi të kënaqur me atë që ka dhënë ai dhe profesionalizmin që ka dëshmuar. Përpara kemi dy tratativa të rëndësishme si ajo e Cancelos dhe Rafinhës, të cilët duam t’i mbajmë në skuadër, nëse respektojmë kushtet ekonomike. Për të ardhmen e Icardit nuk vë dorën në zjarr, por kemi edhe 3 vite kontratë dhe duam ta respektojmë. Më pas në verë kemi planifikuar afrimin e ndonjë lojtari me emër, në moshë të re dhe me mundësisht nga ndonjë klub i madh”, deklaroi Ausilio.
Top Channel
