Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Sfida “El Clasico” mes Barcelonës dhe Realit të Madridit është gjithnjë një përballje që dhuron emocione dhe spektakël. Kjo gjë nuk do të ndryshojë këtë mbrëmje në tempullin e skuadrës katalanase Camp Nou.
Sfida mes Barcelonës dhe Realit konsiderohet edhe si përplasja e titanëve të futbollit spanjoll e atij evropian dhe këtë mbrëmje e gjithë bota do të mbajë frymën para saj. “El Clasico” do të ndiqet prej më shumë se 500 milionë personave dhe do të transmetohet në 192 vende te botës. Sfida e sotme do të jetë e Andres Iniestës. Kapiteni i Barcelonës, pas 22 vitesh do të lërë skuadrën kampione të Spanjës dhe kjo do të jetë “El Clasico” i tij i fundit.
Barcelona do të kërkojë që me këtë ndeshje të mbajë gjallë shpresat për të mbyllur kampionatin pa asnjë disfatë për herë të parë në historinë e saj. Në krahun tjetër Reali i Madridit vjen në Camp Nou për të ruajtur pathyeshmërinë e tij në këtë impiant ndaj rivalëve historikë, diçka që zgjat prej 3 vitesh.
Kjo e kësaj mbrëmje do të jetë përballja e 238 mes Barcelonës dhe Realit të Madridit. Në 237 sfidat e mëparshme skuadra merenges ka një avantazh të lehtë me 95 fitore kundrejt 93 të katalanasve, ndërsa 49 ndeshje në barazim. Përsa u përket ndeshjeve në Camp Nou, bilanci anon nga katalanasit me 43 fitore kundrejt 20 të Los Blancos e 19 barazime.
Në total, Barcelona dhe Reali i Madridit kanë shënuar 786 gola në “El Clasico”, 399 madrilenët e 387 Barcelona. Sot Reali i Madridit do të kërkojë të arrijë në 400 gola për t’u bërë i pari ekip që e arrin këtë shifër kundër katalanasve në 119 vjet histori.
Top Channel
