Jose Mourinho këmbëngul: Reali i Madridit? Nuk kam pasur asnjë kontakt. Përsa iu përket 10 kërkesave… 10/05 13:16
Në ndeshjen ndaj Crystal Palace vetëm tri pikët bënin punë për të mbajtur ende gjallë matematikisht shpresat për një qëndrim në Premier Ligë, por ato nuk erdhën.
Stoke City u mposht 1-2 në sfidën përballë Crystal Palace e tashmë edhe zyrtarisht, skuadra e Xherdan Shaqirit do të luajë sezonin e ardhshëm në Premiership.
Ishte pikërisht shqiptari që luan me Zvicrën ai që mbajti në lojë shpresat e vendasve, kur në minutën e 43 shënoi golin e avantazhit, pas ekzekutimit mjeshtëror të një goditjeje dënimi.
Pjesa e parë u mbyll me këtë rezultat, ndërsa në të dytën, Stoke lëshoi terren dhe miqtë, që me fitoren siguronin matematikisht qëndrimin në elitën e futbollit anglez shtuan presionin.
Golin e barazimit e gjetën në minutën e 68, ndërsa atë të fitores 4 minuta nga përfundimi i kohës së rregullt.
Me këtë rezultat, Stoke e Shaqirit bie në kategorinë inferiore pas një dekade në Premier Ligë.
Top Channel
