![](https://top-channel.tv/wp-content/uploads/2024/07/MixCollage-26-Jul-2024-09-37-PM-482-800x450.jpg)
Flamurtari i Vlorës është shpallur kampion në basketbollin për femra pasi ka mposhtur Tiranën bindshëm 3-0,në të 3 takimet e zhvilluara.
Në sfidën e pasdites së kësaj të shtune, vajzat vlonjate fituan me rezultatin 76-65.
Ky është trofeu i 22-të për Flamurtarin, që në këto ndeshje ndaj Tiranës dominoi totalisht.
Flamurtari arriti ta dominojë kampionatin në fazën e dytë, kur mori kreun e renditjes dhe e mbrojti atë deri në fund, ndërkohë që lojërat e mira i tregoi edhe në play off.
Fitorja 3 ditë më parë në finalen e dytë në Tiranë ishte shumë e rëndësishme për rrugën drejt titullit, pasi suksesi arritur në fushën e bardhebluve praktikisht vulosi gjithçka.
Tirana tentoi të bëjë mrekullinë në Vlorë, por pa sukses dhe u dorëzua në periodën e dytë.
Top Channel