Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Tre amerikanë të burgosur në Korenë e Veriut janë vendosur në një hotel në Penian dhe po trajtohen mirë, me ushqim dhe kujdes shëndetësor.
Sipas raporteve, të tre ata mund të lirohen si një gjest i vullnetit të mirë, në kuadër të përgatitjeve për një takim mes liderit Kim Jong un dhe presidentit amerikan Donald Trump. Ky i fundit ka thënë se SHBA po punon shumë për të siguruar lirimin e tyre. Të mërkurën ai i tha ndjekësve në Twitter, të qëndronin në kontakt për lajme.
“Ashtu siç të gjithë e dinë, administrata e kaluar ka kërkuar prej kohësh që tre pengjet të liroheshin nga kampet e punës në Korenë e Veriut, por nuk ka patur asnjë rezultat”, tha ai.
Dy prej tyre në fakt janë burgosur në 2017, pasi Trump u bë president. Departamenti amerikan i shtetit ka thënë se nuk mund të konfirmojë vërtetësinë e raporteve për transferimin në hotel të të burgosurve, që duket se kanë ardhur nga Choi Sung-Ryong, një aktivist koreano-jugor me kontakte në Korenë e Veriut.
Por, një zëdhënës tha se SHBA po punonte që shtetasit amerikanë që mbahen në burg në Korenë e Veriut të kthehen në shtëpi sa më shpejt që të jetë e mundur.
Në 1017, Kim Hak Song, që punonte në universitetin e Penianit, u ndalua nën dyshime për akte armiqësore. Dy javë para tij, Kim Sang Duk, i njohur edhe si Toni Kim, u arrestua nën akuzat për spiunazh.
Ai po përpiqej të largohej nga vendi ku kishte qenë i përfshirë në aktivitete humanitare. Ndërsa Kim Dong Chul, një shtetas amerikan i lindur në Korenë e Jugut, një pastor 60 vjeç, u arrestua në 2015, nën akuzat për spiunazh dhe u dënua me 10 vite punë të rëndë në 2016.
Top Channel
