Samsung do të rikthehet me një aparat që kujton smartphonët e palosshëm të serisë televizive WestWorld.
Disa detaje, tashmë janë bërë publike:
E para, prodhimi po fillon.
Së dyti, Galaxy X, smartfoni i shumëpërfolur i palosshëm i koreanoëve, do të shfrytëzojë këtë veti për t’u propozuar si hibrid mes telefonit dhe tabletit.
E treta, ai do të dalë në qarkullim gjatë vitit 2019.
Ndërsa e katërta…ai do të ketë plot tre ekrane oled. Ekranet, sipas zërave, do të jenë të lidhur mes tyre përmes një mikro zinxhiri metalik.
Në këtë mënyrë, përdoruesi mund të ndërtojë dispozitivin që i nevojitet më shumë në një moment të ditës, duke përthyer apo zgjeruar ekranin e duke kaluar nga një smartphon rreth 7 inch në një tablet diagonal, të rëndësishëm.
Edhe pse llogaritë mbi dimensionet janë ende pak konfuze. Pavarësisht se duhet ende kohë, drejtuesit e kolosit koreano jugor, nuk e fshehin se ndonjë prototip është prodhuar dhe është parë në panairet e specializuara të këtij viti.
Plani i projektimit duhet të përfundojë sidoqoftë qershorin e ardhshëm dhe pjesa e parë, testuese, 500 mijë deri në 2 milionë aparate, do të shkojë në prodhim gjatë verës.
Top Channel
