Ndërsa kanë kaluar 3 vjet së bashku, Richard Gere dhe Alejandra Silva kanë vendosur të martohen dhe data zyrtare është 5 maj. Mediat spanjolle kanë zbuluar se ceremonia do të zhvillohet në Uashington dhe kjo është hera e tretë që aktori Hollivudian shkon në altar.
Ylli i “Pretty Woman” dhe “American Gigolo”, tanimë 68 vjeçar është martuar dy herë më parë, fillmisht me Cindy Crawford nga 1991 deri në 1995 dhe më pas me aktoren Carey Lowell nga 2002 deri 2013, martesë nga e cila erdhi në jetë dhe djali i tij Homer, që sot është 18 vjeç. Edhe për Alejandra Silva, që është 33 vjeç më e re, kjo nuk është martesa e parë dhe ajo gjithashtuika një djalë.
Sipas asaj që shkruan ‘The Sun’ zërat për martesë qarkullonin që në dhjetor, kur 35-vjeçarja mbante në dorë një unazë me diamant. Ajo pati mohuar zërat për martesë ndërkohë: “Jam divorcuar, por nuk besoj se do ketë një martesë tjetër, mbase do fesojmë bashkë unë edhe Richard”.
Top Channel
