Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Gjatë vitit 2017 numri i efektivëve të policisë të proçeduar penalisht për shpërdorim detyre, korrupsion ose veprime arbitrare u rrit ndjeshëm.
Top Channel ka siguruar të dhëna nga raporti i Shërbimit për Çështjet e Brendshme dhe ankesave i cili do ti prezantohet së shpejti parlamentit.
Gjatë vitit 2017 janë gjetur me shkelje 88 punonjës policie më shumë se një vit në parë. Në 2016-ën janë referuar materialet ne prokurori për 171 efektivë ndërsa në 2017-ën numri i policivë të kallzuar është 259. Po ashtu sipas burimeve edhe numri i ankesave në drejtim të uniformave blu është rritur ndjeshëm ndërsa ktë të enjte 2 policë të kufirit u vunë në pranga.
Bardhok Preçi, Përgjegjës Turni, në Stacionin e Policisë Kufitare në Shëngjin dhe Luan Xheka, me detyrë ndihmes kontollor në pikën e kalimit kufitar Muriqan, kundrejt pagesave që shkonin deri në 100 euro, lejonin kalimin e shtetasve shqiptarë që u ishte ndaluar udhëtimi në zonën Shengen. Gjithashtu efektivët regjistronin e vulosnin fiktivisht edhe pasaportat e shtetasve të ndryshëm për të evituar shkeljen e afatit të qëndrimit në zonën Shengen.
Top Channel
