Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Rezultatet në fazën e tretë të kampionatit për Flamurtarin kanë qenë tepër negative duke sjellë edhe humbjen e pretendimeve për vendin e dytë, që do t’u siguronte Europën.
Por këtë të mërkurë vlonjatët do të përballen me kryesuesit e kampionatit, Skënderbeun, për një vend në finalen e Kupës së Shqipërisë.
Të dy skuadrat janë në situata mjaft problematike, teksa vlonjatët vuajnë mungesën e rezultateve, pasi nuk fitojnë prej afro dy muajsh, korçarët janë të shqetësuar nga vendimi i UEFA-s, për t’i pezulluar për 10 vite.
Skuadra e Shpëtim Duros është dukshëm më e motivuar në këtë takim, pasi synon Europën nëpërmjet Kupës, duke qenë se në kampionat i ka ndërlikuar pozitat.
Nga ana tjetër, korçarët kishin si synim rikthimin e titullit kampion dhe janë tërësisht brenda objektivit të tyre, ndonëse Ilir Daja nuk e ka fshehur asnjëherë se dëshiron të fitojë të dy trofetë.
Top Channel
