Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Kredibiliteti i pronësisë kineze të Milanit merr një tjetër goditje. Gjykata e Shenzhenit deklaroi falimentimin e ‘Jie Ande’, kompania e përkufizuar si kasaforta e Yonghong Li, pronari dhe presidenti i klubit kuqezi.
Lajmi konfirmohet nga ‘Corriere Della Sera’ e cila më parë kishte bërë të ditur se ishte bërë një kërkesë për shpalljen e falimentimit të kësaj shoqërie nga Banka e Kantonit.
‘Jie Ande’ është aksionerja kryesore e një ndërmarrjeje të kuotuar në Bursën e Shenzhenit dhe që ishte akredituar si firma më e rëndësishme e me më shumë likuiditete mes atyre të prezantuara në kurrikulumin zyrtare të sipërmarrësit kinez ne rezidencë në Hong Kong.
Sipas asaj që publikohet në artikullin e kësaj të përditshmeje, shpallja e falimentimit të ‘Jie Ande’ nuk ka efekte të drejtpërdrejta mbi klubin e Milanit.
Pasoja më e dukshme në të gjithë këtë histori është humbja e besueshmërisë së pronarit dhe presidentit të Milanit si dhe goditja që merr pasuria e Li Yonghong.
Për klubin milanez, thelbësore është mbyllja e bilancit në 30 qershor dhe vazhdimësia e tij. Por jo vetëm kaq duhet rifinancuar borxhi që është mbi 300 milionë Euro me fondin amerikan Elliot si dhe nuk duhet lejuar që ky klub të ketë probleme me funksionimin e tij.
Një zgjidhje për këtë cështje mund të vijë nga vetë fondi amerikan Elliot që mund të derdhë një shifër 30-40 milionë Euro, shifër që do të shërbejë si garanci për Milanin për takimin që do të zhvillohet pas një muaji me drejtuesit e UEFA dhe që do të sigurojë pjesëmarrjen e Milanit në kompeticionet evropiane.
Top Channel
