Debate në KLP, Tiranës dhe Elbasanit i mungojnë 51 prokurorë
18/07 21:17
Gjykata e Krimeve të Rënda, krijuar prej 14 vitesh tashmë do të ketë vetëm kompetencat e Gjykatës kundër Krimit të Organizuar dhe Korrupsionit, e cila pritet të ngrihet sipas ligjeve të reja të reformës.
Një vendim i kolegjit penal të Gjykatës së Lartë ka zgjidhur luftën e kompetencave mes gjykatave pas ndryshimeve ligjore të 1 gushtit.
Çka do të thotë se praktikisht gjyqtarët dhe prokurorët e Krimeve të Rënda, do të hetojnë dhe gjykojnë vetëm çështjet që i përkasin SPAK-ut dhe GJKKO, edhe pse ngritja e tyre sipas paketës së re është ende larg realitetit.
Siç thonë burime të sigurta të Top Channel, shkak për të shqyrtuar kompetencat e Krimeve të Rënda është bërë Gjykata e Durrësit që ka dërguar një dosje droge pranë kolegjit penal të Gjykatës së Lartë, në mënyrë që ajo të shprehej nëse çështja e trafikut të drogës i përket një gjykate të zakonshme apo gjykatës së Krimeve të Rënda.
Në përfundim kolegji penal ka urdhëruar gjykimin e trafikut të drogës pranë Gjykatës së Durrësit, sipas kompetencave të reja të reformës. Në terma praktike ky vendim do të thotë të gjitha veprat nen hetim dhe gjykim pas datës 1 gusht 2017-të që janë trafiku i drogës, i qenieve njerëzore, i vrasjeve dhe gjobëvëniet që ishin kompetencë e Krimeve të Rënda kalojnë në gjykatat e rretheve. Kjo pasi këto vepra nuk janë më kompetencë e Gjykatës kundër Krimit të Organizuar dhe Prokurorisë së posaçme SPAK.
Top Channel
