Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Gjyqtarja Shefkije Demiraj dhe prokurori Ervin Karanxha e kanë zhvilluar seancën për caktimin e masës së sigurisë për Gent Hoxhën në ambientet e Spitalit të Traumës.
Hoxha mbahet në reanimacion për shkak të plagëve që mori nga shpërthimi në dyqanin e tij të celularëve, ku prokuroria dyshon se montonte bomba me celular. Pas seancës që zgjati pak minuta në sallën e reanimacionit, gjyqtarja komunikoi këtë vendim.
“Arrest me burg. Kaq mund t’ju them”, deklaroi gjyqtarja para gazetarëve.
Ndërsa avokati i caktuar kryesisht deklaroi se klienti i tij nuk e dinte se çfarë i kishte shpërthyer: “Ai thotë që ka pasur një pako në dorë që i ka shpërthyer”.
Me një qëndrim mohues të të akuzuarit si “Njeriu Bombë”, tashmë i takon prokurorisë që të vërtetojë dyshimin se Gent Hoxha montonte bomba me celular dhe shpërthimi ka qenë aksident gjatë procesit të punës për montimin e një bombe të tillë.
Top Channel
