![](https://top-channel.tv/wp-content/uploads/2024/07/MixCollage-26-Jul-2024-09-37-PM-482-800x450.jpg)
Një tjetër tragjedi ndodh në futboll: Thomas Rodriguez, një futbollist 19-vjeçar francez është gjetur i vdekur në krevat në qendrën e grumbullimit të klubit Tours. Lajmi është dhënë nga klubi, që militon në ligën e dytë franceze.
Vdekja e të riut Rodriguez ka ndodhur në mesnatën mes të enjtes dhe të premtes, ndërsa nuk dihen ende shkaqet. Futbollisti i ri është gjetur pa jetë nga shoku i tij i dhomës, që i alarmuar ka njoftuar punonjësit e sigurisë së qendrës stërvitore. Për ngjarjen është hapur edhe një hetim, ndërsa pritet autopsia për të përcaktuar shkaqet e vdekjes.
Ndeshja që duhej të luante sot në mbrëmje Tours me Valenciennes është shtyrë, ndërsa nga federata është vendosur të mbahet një minutë heshtje në të gjitha ndeshjet e fundjavës. Lajmi i kombshëm për vdekjen e të riut Rodriguez vjen vetëm 5 ditë pas vdekjes së kapitenit të Fiorentinës, Davide Astori.
Top Channel