Princi i Kurorë së Arabisë Saudite trondit Spanjën, 10 miliard euro për të blerë Barcelonën… 14/12 15:39
Ndaj Portos nuk shkuan më shumë sesa një barazim pa gola në “Anfield Road”, por kjo nuk përbën aspak problem për Liverpoolin, që pret edhe zyrtarisht biletën për në çerekfinalet e kompeticionit më prestigjioz për klube në Europë, Champions League, pasi e kishin mposhtur Porton në takimin e parë me një goleadë, 5-0.
Ashtu siç ishte paralajmëruar, edhe kjo sfidë nisi me një minutë heshtje në nderim të futbollistit të Fiorentinës dhe kombëtares së Italisë, Davide Astori, që u nda nga jeta papritur në moshën 31-vjeçare, si pasojë e një problemi në zemër, që i ngadalësoi atij rrahjet në gjumë.
“The Reds”-at, të “arnuar” thuajse në çdo repart në përballjen e kthimit nga trajneri gjerman Jurgen Klopp, kanë zhvilluar thuajse një ndeshje “miqësore” ndaj portugezëve, duke mos u lënë mundësi të shënojnë, edhe pse kishin aktivizuar në portë portierin e dytë.
Në formacionin e skuadrës angleze viheshin re mungesat e Mignolet, Mohamed Salah, Van Dijk dhe Oxlade-Chamberlein, ndërsa portugezët, edhe pse me formacionin e plotë, nuk arritën të shënonin as edhe një gol nderi përballë anglezëve, duke marrë “valixhet” nga elita e futbollit europian në mënyrë disi të turpshme.
https://www.facebook.com/LiverpoolFC/videos/10156619020957573
Top Channel
