Ndjekje si nëpër filma në Greqi
05/03/2018 18:26
Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Policia greke u vendos në një ndjekje si nëpër filma hollivudianë të një automjeti që lëvizte me shpejtësi në rrugën që lidh Athinën me Lamian.
Drejtuesi i mjetit u pikas nga një patrullë policore në shkelje të rregullave të qarkullimit rrugor dhe me një shpejtësi tej normave të lejuara. Menjëherë, në ndjekje të tij u vendosën disa makina policie, ndërkohë që disa postblloqe u ngritën në rrugë.
Por, as postblloqet dhe as thirrjet e policisë nuk e ndaluan makinën. Atë e bëri një aksident fatkeq, ku i arratisuri i policisë u përplas me një kamion.
Autoritetet greke thonë se nga përplasja ka mbetur i vdekur drejtuesi i makinës së vogël, që dyshohet se vuante nga probleme mendore, ndërkohë që është plagosur lehtë drejtuesi i kamionit dhe dy punonjës të policisë.
Top Channel
