Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një sasi prej afro 4 kg kokainë u sekuestrua prej Departamentit të Antidrogës së Athinës, pasditen e kësaj të hëne.
Sipas njoftimit për shtyp të Drejtorisë së Policisë së Atikës, operacioni për shkatërrimin e organizatës u zhvillua njëkohësisht në disa zona të kryeqytetit helen.
Prej kontrolleve të kryera në banesat e 3 shtetasve shqiptarë, të grupmoshës nga 24 në 36 vjeç, dhe në banesën e një shtetasi grek 61-vjeçar në lagjet “Ilion”, “Kipseli”, “Tavros” dhe “Petrupoli”, u gjetën dhe sekuestruan 3.9 kg kokainë e pastër, 144 mijë euro “cash”, dy peshore elektronike, 10 telefona celularë, 4 autovetura, 64 gramë kanabis, një pistoletë dhe disa fishekë.
Policia thotë se lënda narkotike shpërndahej nëpër ishujt e Egjeut gjatë sezonit veror, kur edhe kërkesa për kokainë shtohet ndjeshëm në lokalet dhe “pub”-et e zonave turistike.
Shumat e përfituara përdoreshin për blerje banesash në Greqi dhe Shqipëri. Të arrestuarit dhe materialet në ngarkim të tyre do të dërgohen në gjykatë për masë sigurie, mëngjesin e së martës.
Top Channel
