Pas votimit për zgjedhjen e kreut të FSHF-së, që përfundoi me rikonfirmimin e Armand Dukës përkundrejt kandidatëve të tjerë, deputetit socialist Bashkim Fino dhe ish-gjyqtarit Shpëtim Hala, delegatët e Asamblesë së Përgjithshme Zgjedhore votuan edhe për anëtarët e Komitetit Ekzekutiv të FSHF-së.
Edhe në këtë rast u deshën dy raunde votimi, pasi në të parin nuk mundën të siguronin votat e mjaftueshme, kandidatët që duhej të plotësonin 9 vendet e Komitetit Ekzekutiv.
Anëtarët e rinj do të jenë Arben Dervishaj, Abdyl Kuriu, Bardhyl Jera, Lutfi Nuri, Vasil Bici, Enkelejd Alibeaj, Edvin Libohova, Bardhyl Minxhozi dhe Edmond Spahiu.
Top Channel
