Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Tre ditë pas humbjes kundër Tottenham, Manchester United është rikthyer te fitorja, teksa ka mposhtur 2-0 skuadrën e Huddersfieldit në shtëpi. Romelu Lukaku zhbllokoi shifrat në fillim të pjesës së dytë, por të gjithë vëmendjen e mori Sanchez, i cili shënoi edhe golin e parë me fanellën e djajve.
Kiliani fitoi një penallti, të cilën e ekzekutoi vetë, por topin e dërgoi në rrjetë, vetëm pasi u grushtua nga portieri. Me këtë fitore, United ngushton në 13 pikë distancën nga City, që gjithsesi është shumë e madhe, pasi kanë mbetur vetëm 12 javë deri në fund të sezonit.
Goli i Xherdan Shaqirit që në minutën e 5-të nuk i shërbeu Stokes, që të marrë të paktën një pikë në transfertën ndaj Bournemouthit, pasi vendasit përmbysën gjithçka në pjesën e dytë, duke fiksuar rezultatin final 2-1.
Swansea, pasi mposhti me radhë Liverpoolin dhe Arsenalin, arriti të marrë edhe një barazim të rëndësishëm në transfertën ndaj Leicesterit, me rezultatin 1-1.
Në takimet e tjera, Brighton mposhti West Hamin me rezultatin 3-1, ndërsa Southamptoni triumfoi në transfertën ndaj West Bromit me rezultatin 2-3.
Top Channel
