“Ndoshta e pëlqejmë njëri-tjetrin”/ Takimi mes Obamës dhe Trumpit bëhet viral: Kemi filozofi të ndryshme, por… 10/01 14:45
Pas një viti zhurme të jashtëzakonshme, SHBA i ka dhënë fund ndalimit të hyrjeve të shtetasve nga 11 vende të rrezikut të lartë, por vizitorët do të përballen me masa të reja sigurie.
Para se të hyjnë në SHBA, sipas Sekretares së Sigurisë së Brendshme, Kirstjen Nielsen, ata do të vlerësohen për rrezikshmërinë që paraqesin. Në tetor, në masën më të fundit ndaj emigracionit, administrata Trump ndalin hyrjen në vend të refugjatëve nga 10 kombe kryesisht myslimane dhe nga Koreja e Veriut.
Mes këtyre vendeve janë shtete si Egjipti, Somalia, Siria, Irani, Iraku e të tjera të cilat kanë kontribuuar me 40% të emigrantëve në SHBA gjatë 3 viteve të fundit. Sipas sekretares Nielsen është e rëndësishme që autoritetet të dinë me siguri se kush hyn në SHBA.
“Masat shtesë të sigurisë do ta bëjnë më të vështirë për individë të rrezikshëm që të shfrytëzojnë programin tonë të emigrantëve duke mbrojtur më mirë vendin tonë”, deklaroi Nielsen.
Sipas Reuters, që prej tetorit, kur administrata aplikoi ndalimin e hyrjeve, fluksi i emigrantëve u përgjysmua dhe vetëm 23 njerëz nga vendet në fjalë mundën të hyjnë në SHBA.
Top Channel
