Sanchez në telashe, thyen rregullat e antidopingut

26/01/2018 14:50

LONDON, ENGLAND - DECEMBER 22: Alexis Sanchez of Arsenal during the Premier League match between Arsenal and Liverpool at Emirates Stadium on December 22, 2017 in London, England. (Photo by Catherine Ivill/Getty Images)

Pa bërë ende debutimin me Manchester United, Alexis Sanchez duket është në telashe serioze.

Sipasa asaj që raporton ‘Telegraph’ është hapur një hetim për ish-sulmuesin e Arsenal, pasi akuzohet se ka thyer rregullat e gatishmërisë në kryerjen e testit antidoping. Të enjten e shkuar, disa agjentë të antidoping janë paraqitur në qendrën stërvitore të Arsenal, por pa mundur të kryejnë testin me Sanchez, futbollistin që të hënën zyrtarizoi kalimin te Manchester United.

Rregullat e federatës së futbolllit janë të qarta dhe të rrepta: klubet e Premier League duhet të japin informacion të saktë mbi adresën, orën e zhvillimit të stërvitjes dhe vendbanimin e futbollistit. Dhe sigurisht që futbollisti do të kryejë testin me detyrim. Për këtë arsye Arsenal dhe Manchester United duhet të justifikojnë vendndodhjen e sulmuesit.

Top Channel