Top Channel, rekord audience natën e ndërrimit të viteve
04/01/2018 20:05
Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
“Abacus”, kompania që mat audiencën televizive, ka publikuar shifrat e matura në natën e ndërrimit të viteve. Shifrat e këtij viti konfirmojnë epërsinë e programacionit të pasur, që Top Channel i serviri publikut.
Në këtë grafik, Top Channel përfaqësohet nga kurba me ngjyrë blu, ku dallohet një epërsi e qartë që fillon nga ora 19:30, momenti i fillimit të edicionit qendror të lajmeve dhe vazhdon përgjatë gjithë mbrëmjes, me kulme audience ndërmjet orës 22:00 dhe 22:12, kur gati gjysma e teleshikuesve, 49.3% kanë ndjekur Top Channel.
E shprehur në vlera absolute, në këtë moment Top Channel është ndjekur nga 1 milionë e 160 mijë e 341 shikues.
Numri i përgjithshëm i popullsisë së matur është 2 353 634. Shifrat e “Abacus” shërbejnë si tregues për të orientuar kompanitë e mëdha në tregun e reklamës. Kurse televizionit, në rastin konkret, i shërbejnë si konfirmim i linjës së ndjekur dhe programacionit të pasur që servir prej vitesh në natën e ndërrimit të viteve me megaspektaklin “Portokalli”, që sivjet erdhi me titullin “Parcela 400”. Asgjë më mirë për të kaluar në harmoni dhe me të qeshura pafund momentet e ndërrimit të viteve.
Top Channel
