‘Bjondja’ zhduk padashje portofolin Bitcoin të të dashurit me mbi 500 milionë paundë (fotot) 25/11 21:43
Një ujdi e suksesshme dhe e “zgjuar”, siç e quajti ministri i Jashtëm gjerman, Sigmar Gabriel, mund të shërbejë si model për vendet e tjera për të përforcuar bashkëpunimin me Bashkimin Europian.
Kryediplomati gjerman foli për median vendase dhe i pyetur për të ardhmen e Turqisë dhe Ukrainës ofroi modelin që do të dalë nga bisedimet e shkëputjes së Londrës nga Brukseli si formë bashkëpunimi më të ngushtë.
Gabriel u shpreh pesimist për mundësitë që si Ukraina, ashtu edhe Turqia t’i bashkohen në një të ardhme të afërt Bashkimit Europian, por optimist sa i përket forcimit të bashkëpunimit si ekonomik, ashtu edhe politik me të dyja vendet.
“Nëse arrijmë një marrëveshje të zgjuar me Britaninë e Madhe, që do të përkufizojë marrëdhëniet me Europën pas Brexit, atëherë kjo ujdi mund të shërbejë si model për vendet e tjera, përfshirë një përqasje ndryshe dhe më të afërt sa i përket kontrollit kufitar”, tha Gabriel.
Britania e Madhe pritet të shkëputet nga Bashkimit Europian në mars të 2019. Bisedimet janë ende në progres.
Top Channel
