Policia Rrugore e Tiranës gjatë 48 orëve të fundit ka vijuar kontrollet me Drager e Radar, me qëllim rritjen e parametrave të sigurisë rrugore në fundjavë.
12 persona janë vënë në pranga nga policia. 9 prej tyre pasi drejtonin mjetin në gjendje të dehur, ndërsa 3 të tjerë janë konstatuar pa leje drejtimi.
Kontrollet kanë vijuar me Radar e Drager në autostradë dhe në rrugët e brendshme të Tiranës, për të parandaluar, evidentuar dhe ndëshkuar ata drejtues mjetesh që qarkullojnë me shpejtësi, të atyre drejtuesve që drejtojnë automjetet nën efektin e alkoolit apo në gjendje të dehur, duke u bërë burim aksidenti për veten dhe përdoruesit e tjerë të rrugës.
Në drejtim të shpejtësisë në autostradë dhe në qendrat e banuara, Policia Rrugore gjatë 48 orëve të fundit ka evidentar dhe ndëshkuar:
58 drejtues mjetesh që qarkullonin me shpejtësi tej normave të lejura, ku në qendrat e banuara shpejtësia kalonte dy deri në tre herë më shumë se limiti i lejuar.
Për sa i përket drejtimit të automjetit nën ndikimin e alkoolit apo në gjendje të dehur gjatë 48 orëve të fundit janë arrestuar në flagrancë :
9 drejtues mjetesh që drejtonin automjetet në gjendje të dehur apo tej mase të dehur, ku në një rast , një drejtues mjeti tejet i dehur qarkullonte në sens të kundërt me lëvizjen duke u bërë akoma më tepër burim rreziku për jetën e tij dhe të përdoruesve të rrugës.
Si dhe janë arrestuar 3 drejtues mjetesh që drejtonin automjetet të pa paisur me Leje Drejtimi.
Gjithashtu janë pezulluar 23 Leje Drejtimi për drejtim mjeti nën ndikimin e alkoolit, por jo deri në kufijtë e dehjes.
Kontrollet kanë konsistuar edhe në evidentimin dhe ndëshkimin e atyre drejtuesëve që nuk respektojnë rregullat e qarkullimit rrugor ku për 48 orët e fundit janë vendosur :
• 61 masa për mos përdorin rripin e sigurimit.
• 84 masa për parakalim të gabuar
• 115 masa për përdorin celularin gjatë drejtimit të automjetit
• 14 masa për mos respektim të sinjalistikës së semaforit
• 71 masa për ata që qarkullojnë pa kaskë mbrojtëse si dhe pa kontroll teknik të mjetit, etj.
• Si dhe 803 masa për shkelje të tjera të Kodit Rrugor.
Janë bllokuar dhe 13 mjete për mosshlyerje të masave administrative mbi 3 masa.
Top Channel
