Në Angli janë të sigurtë: Ancelotti kthehet te Chelsea
16/12/2017 13:31
Inter dhe festa në San Siro, fishekzjarrë dhe në Sheshin Duomo 04/05 00:18
Carlo Ancelotti do të rikthehet te Chelsea dhe për këtë janë të sigurta mediat në Angli.
Një javë më parë e njoftoi “The Sun”, tani është “Daily Record” që e konfirmon këtë fakt, madje duke saktësuar se mund të ndodhë përpara përfundimit të këtij sezoni. Ish-trajneri i Bayern Munchen, i shkarkuar në Gjermani, do të marrë vendin e bashkëpatriotit të tij Antonio Conte, i cili një vit më parë çoi londinezët te titulli kampion.
Por, mediat britanike njoftojnë se Conte ka prishur marëdhëniet me pronarin e klubit, Roman Abramovich. Këta të dy janë përballur disa herë bashkë kohët e fundit dhe sipas tabloidit britanik, çështja tani është në pikën se kur do të rikthehet në “Stamford Bridge” Ancelotti, që u shkarkua po nga Abramovich, pavarësisht se ai fitoi Premier League, Community Shield dhe FA Cup në sezonin e tij të parë.
Manjati rus duket se është penduar për zgjedhjen e tij dhe e shikon rikthimin e Ancelottit si hapin e duhur për të vendosur raportet e prishura në skuadër mes trajneri aktual Conte dhe futbollistëve.
Top Channel
