Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
“Walt Disney” ra dakord që të blejë asetet televizive të kompanisë “21st Century Fox” për një total prej 52.4 miliardë dollarësh.
Marrëveshja përfshin edhe 39% të aksionevë që “Fox” ka te transmetuesi satelitor “Sky”, si dhe studion e filmave “20th Century Fox”.
Lajmi u konfirmua nga kompania “Disney”, ndërsa mësohet se asetet e mbetura të “Fox”-it, përfshirë “Fox News” dhe “Sports” do të formojnë një kompani të re.
Kjo marrëveshje miliardere i jep fund më shumë se gjysmëshekulli zgjerimi mediatik nga pronari i “Fox”-it, Rupert Murdoch, i cili tashmë është 86 vjeç.
Murdoch trashëgoi një gazetë të vetme australiane nga babai i tij në moshën 21-vjeçare dhe atë e shndërroi në një nga perandoritë më të mëdha të lajmeve dhe filmave në botë.
Veç miliardave të shitjes, Murdochut do t’i mbetet kontrolli i “News Corp”, që zotëron gazetat “The Times” dhe “Sun”, megjithëse prania e tij në botën e lajmit do të reduktohet ndjeshëm.
Blerja kolosale do t’i shtohet katalogut masiv të “Disney”-t dhe duket se është një strategji e qartë për t’u përballur me rivalët dixhitalë.
Ekspërtët thonë se blerja miliardere e përfocon pozicionin e “Disney”-t, si një prej kompanive kryesore mediatike në botë dhe e vendos në pozicion që të konkurrojë fuqishëm me perandoritë e internetit, si “Amazon”, “Facebook” apo “Netflix”.
Top Channel
