Drejtori i Administratës Tatimore të Kosovës, Sakip Imeri ka pritur sot në takim ekspertët e angazhuar, pjesë të misionit të FMN-së, të cilët gjatë pjesës së dytë të muajit nëntor të këtij viti kanë ofruar asistencën e nevojshme teknike për analizën e të dhënave në përmirësimin e menaxhimit të rreziqeve të përmbushjes tatimore.
Drejtori Imeri falënderoi ekspertët e këtij misioni për mbështetjen e dhënë në fushën e menaxhimit të rrezikut, si fushë tejet e ndjeshme në ATK, për të cilën asistenca e FMN-së gjatë kësaj periudhe ka qenë shumë frytdhënëse.
“Objektivi specifik i kësaj vizite ishte që të ofrojë asistencë teknike në zhvillimin e kapaciteteve profesionale për përdorimin e analizës së të dhënave për forcimin e praktikave të menaxhimit të rreziqeve të përmbushjes në ATK. Kjo vizitë është zhvilluar krahas misionit të fundit të FMN-së në ATK, me fokus të veçantë në raportimin mbi përmbushjen tatimore dhe planifikimin e punës së Divizionit për Menaxhimin e Rrezikut”, thuhet në një komunikatë të administratës tatimore.
Gjatë takimit u diskutua edhe për fushat e bashkëpunimit në kuadër të planit vjetor të asistencës teknike, të cilat mund të ofrohen nga FMN.
Top Channel
