Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
David Davis, ministri britanik për Brexit, paralajmëroi Gjermaninë dhe vendet e tjera europiane që të mos vendosin politikën para prosperitetit, ndërsa negociojnë ndarjen e Britanisë nga Bashkimi Europian.
Davis foli gjatë një konference ekonomike në Berlin, ku pranoi se bisedimet me BE mbeten të vështira. Davis nuk përmendi çështjen e shifrës që Britania duhet t’i paguajë Brukselit për faturën e divorcit, ndërsa mediat raportojnë se kryeministrja Theresa May po përgatit të zgjidhë ngërçin duke dyfishuar ofertën e saj në rreth 40 miliard paund.
Por ministri britanik bëri një paralajmërim diplomatik se Gjermania dhe vendet e tjera evropiane duhet të kenë kujdes së mund të dëmtojnë ekonomitë e tyre duke i dhënë prioritet çështje politike, si dëshira për të ndëshkuar Britaninë për largimin.
“Unë e di se askush nuk do të lejonte që interesat afatshkurtra të dëmtojnë përfitimet e arritura me vështirësi. Sepse vendosja e politikës para prosperitetit nuk është kurrë një zgjedhje e zgjuar”, deklaroi Davis.
Duke paraqitur vizionin e tij post Brexit, Davis theksoi se qeveria britanike shpreson që të negociojë një marrëveshje speciale tregtare me Brukselin, pavarësisht se dokumentet e zbuluara nga mediat sugjerojnë se Britanisë do t’i ofrohet një marrëveshje vazë e ngjashme me atë që BE ka bërë me Kanadanë.
Top Channel
