Mesa duket shkenca ka zbuluar se ka një moshë të caktuar kur femrat dhe meshkujt janë më të prirur të tradhtojnë.
Një studim në “The Journal of Sex Research” hulumtoi tradhtinë e 423 pjesëmarrësve në anketim. Rezultatet treguan se cilat janë vitet kur duhet të kemi më tepër kujdes nga një tradhti e mundshme e partnerit.
Studimi tregoi se gratë kanë më shumë gjasa që të tradhtojnë pas 6 viteve në një marrëdhënie të konsoliduar. Ndërsa, si për çudi burrat duket se presin pak më gjatë dhe tradhtojnë pas 11 viteve.
Ndërkohë, rezulton se vetëm 5% e meshkujve nuk e kanë problem tradhtinë nga partnerja. Edhe pse studimi u bazua në pyetësor, ai tregon se kur është më e “rrezikuar” marrëdhënia jonë. Ndërkohë më herët një kërkim gjerman, tregoi se kur meshkujt kanë nivele të larta të hormonit të oksitocinës krijojnë distanca me gratë e tjera.
Studimi i Universitetit të Bonit, i publikuar në revistën “Journal of Neuroscience” tregon se hormoni i oksiticinës i prodhuar në tru nga hipotalamusi është një ndikues i madh në marrëdhëniet sentimentale. Nëse një burri i injektohet një dozë e lartë oksiticine dhe vendoset përballë një gruaje të panjohur dhe tërheqëse, mundësitë më të mëdha janë që ai të tregohet indiferent për të mos vënë në rrezik marrëdhënien me partneren e tij.
Top Channel
