Australia, skuadra e 31 e Botërorit, mundi Hondurasin
15/11/2017 12:27
Zbulohet dokumenti, klubi i futbollit “Tirana” del në ankand. Ja vlera e 66% të aksioneve të 26 herë kampionëve të Shqipërisë
22/04 12:52
Australia është skuadra e 31 që kualifikohet për në Botërorin e vitit të ardhshëm që do të luhet në Rusi.
Skuadra australiane fitoi ndeshjen e dytë të “play off”-it ndaj Hondurasit me rezultatin 3-1, ndërkohë që ndeshja e parë kishte përfunduar me barazimin 0-0.
Australia e zgjidhi çështjen e kualifikimit në 45 minutat e dyta të ndeshjes kur shënoi të tre golat. Heroi për australianët u bë pikërisht Jedinak, autori i këtyre golave për Australinë, 2 nga të cilat i shënoi me 11-metersh.
Për Hondurasin golin e vetëm të sfidës e shënoi Figueroa. Skuadra e fundit që kualifikohet në Botëror do të mësohet nga sfida mes Perusë dhe Zelandës së Re, që do të luhet duke u gdhirë e premtja, sipas orës në Shqipëri. Ndeshja e parë mes këtyre dy skuadrave ka përfunduar 0-0.
Top Channel
