Ndryshojnë postimet në Twitter
08/11/2017 09:49
Shkencëtarët zbulojnë koralin më të madh në botë, ja ku ndodhet dhe sa i vjetër është
14/11 09:49
Tashmë të gjithë përdoruesit e Twitter mund të bëjnë postime me 280 karaktere, dyfishi i kufirit të mëparshme prej 140 të tilla.
Në fakt në shtator, kur dhe nisi testimi, kompania provokoi një reagim të ashpër të përdoruesve. Disa prej tyre thoshin se ky ndryshim është shenjë se Twitter po humbet terren dhe u ankuan se do të shkatërronte thelbin e shërbimit të mikroblogut, shkurtësinë.
Por Twitter, raporton Telegraph thotë se eksperimenti me 280 karaktere tregoi se njerëzit nuk po e keqpërdorin këtë risi, pasi ishte shumë i pakët numri i përdoruesve që kalonin limitin 140 karaktere, dhe vetëm 2% kaluan limitin e 190 karaktereve. Madje kompania shton se gjatë testimit përdoruesit qëndronin më shumë në mikroblog dhe merrnin më shumë pëlqime dhe përgjigje.
Zbatimi i 280 karaktereve tashmë ka nisur dhe në blogun e tij Twitter shkruan: Ju japim më shumë karaktere për të shprehur veten.
Top Channel
