Ish-lideri i Syriza-s mban “premtimin”, Stefanos Kasselakis krijon partinë e re politike 23/11 16:44
Një princ i vjetër saudit dhe 7 zyrtarë kanë humbur jetën për shkak të rrëzimit të një helikopteri në afërsi të kufirit me Jemenin. Lajmin e bëjnë të ditur mediat shtetërore arabe.
Princi Mansour bin Muqrin, nënguvernator i provincës së Asirit, po kthehej nga një tur inspektimesh kur helikopteri është rrëzuar në afërsi të lokalitetit Abha.
Lajmi është konfirmuar edhe nga Ministria e Brendshme saudite, e cila nuk ka dhënë ende shkaqet e rrëzimit të mjetit. Sidoqoftë, ngjarja vjen pak pas valës së arrestimeve të lidershipit politik dhe atij financiar të vendit.
Një strukturë anti-korrupsion e drejtuar nga princi i kurorës Mohammed bin Salman, 32 vjeç, urdhëroi burgosjen e disa dhjetëra personave, mes të cilëve 11 princër, 4 ministra dhe shumë ish-ministra.
Analistët e shohin këtë lëvizje të paprecedentë si një përpjekje për të çimentuar pushtetin nga trashëgimtari i fronit.
Princi Mansour ishte i biri i princit Muqrin bin Abdulaziz, një ish-shef i shërbimeve të inteligjencës që ishte dhe princi i kurorës në periudhën mes janarit dhe prillit 2015, kur u spostua nga babai i princit Mohammed, Mbreti Salman, aktualisht 81 vjeç.
Mansour shërbeu si këshilltar i oborrit mbretëror të të atit dhe në prill 2017 ishte mes 8 anëtarëve të familjes mbretërore që u caktuan nënguvernatorë.
Top Channel
Ish-lideri i Syriza-s mban “premtimin”, Stefanos Kasselakis krijon partinë e re politike 
