Superiorja, Teuta nuk shkon më shumë se barazimi 1-1 me Laçin
04/11/2017 19:16
Balliu shkëlqen me Rayo Vallecanon, në formacionin e javës me lojtarin e Realit dhe Griezmann 16/04 21:09
Java e fundit e Superiores është mbyllur, për këtë të shtunë, me barazimin e “djemve të detit” përballë kurbinasve.
As pezullimet dhe as ndëshkimet nuk kanë bërë që Teuta e drejtuar nga Magani të rikthehet tek ai fillim i mbarë i sezonit, duke mos shkuar më shumë sesa rezultati 1-1 me Laçin.
Për bregdetarët shënoi fillimisht mbrojtësi Dediç, por kurbinasit e Laçit rikthyen shumë shpejt barazpeshën në “Niko Dovana”, me autor goli Nikën.
Në pjesën e dytë, Teuta tentoi deri në fund ta fitonte ndeshjen, por laçianët arritën të mbronin rezultatin, që duhet thënë ishte “fytyra” e vërtetë e asaj që u dha në fushë.
Ky barazim nuk përmirëson aspak situatën e trazuar te Teuta, që pas javës së kaluar pa Maganin të dorëhiqej e më pas t’i refuzohej dorëheqja, ndërkohë që presidenti Hasanbelliu përjashtoi lojtarin Albi Dosti e gjobiti dy të tjerë.
Top Channel
