Messi “hakmerret” ndaj Neymar. I heq bluzen nga restoranti
04/11/2017 18:20
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Lionel Messi “hakmerret” ndaj Neymar. Pas transferimit të yllit brazilian te Paris SG, fanella katalanase e “O Ney”-t, është hequr nga muret e restorantit nën pronësinë e “pleshtit” argjentinas.
Restoranti quhet “Bellavista del Jardin del Norte”, ndërsa fanella mbante edhe autografin e vet Neymarit.
Lajmi ka marrë dhenë nëpër rrjetet sociale, pas fotografisë së shpërndarë nga Ivan Raupp, gazetar i “GloboEsporte”, ku duket qartësisht se vendi ku ndodhej fanella e sulmuesit të Parisit tashmë është bosh.
Nuk dihet nëse Messi ka ndërmend ta “zëvendësojë” bluzen e Neymarit me dikë tjetër, apo nëse “MSN”-ja e famshme tashmë do të mbetet vetëm “MS”, kur dihet se te Barça vijojnë të qëndrojnë vetëm Messi dhe Luis Suarez.
Top Channel
