Zbulohet makina që mund të thyejë rekordin e shpejtësisë (Foto)
02/11/2017 19:00
EZ5 Energy zgjedhja e duhur në tregun e energjisë së rinovueshme 24/11 16:44
E shumëpritura Hennessey Venom F5, që mund të thyejë rekordin botëror të shpejtësisë, është prezantuar në Panairin e SEMA.
Marka teksane do të prodhojë vetëm 24 ekzemplarë të kësaj makine që pritet të kalojë barrierën e 483 km/h, me një çmim prej rreth 1.5 milionë euro.
Paraardhësja Venom GT arrin shpejtësinë 435 km/h falë shasisë së lehtë Lotus Exige dhe motorit V8 Chevrolet.
Hennessey thotë se Venom F5 arrin nga 0-300 km/h më shpejt sesa makinat e Formulës 1 (më pak se 10 sekonda).
Aktualisht, rekordin zyrtar për shpejtësinë më të lartë të arritur e mban Bugatti, me makinën Veyron Super Sport, që ka kapur plot 431.07 km/h. Ndërsa Hennessey Venom GT mban rekordin jozyrtar me 435 km/h. Libri i Rekordeve Guinness konsideroi se kjo makinë nuk i plotësonte të gjitha kriteret për zyrtarizimin e rekordit.
Top Channel
