Polici i Durrësit: Nuk jam shpërndarës i drogës, por përdorues
02/11/2017 14:11
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Efektivi i arrestuar i policisë së Durrësit, Fatmir Meço tha para gjykatës se ai nuk është shpërndarës i lëndëve narkotike por përdorues i saj.
Megjithatë kjo deklaratë nuk ka ndikuar tek gjykatës së Durrësit, e cila vendosi për të masën e sigurisë arrest me burg. 33-vjeçari akuzohet për “Shpërdorim të detyrës” dhe “Prodhim e shitje të narkotikëve”.
Në burg u la dhe bashkëpunëtori i tij Fitim Selica. Për këtë rast prokuroria tha se punonjësi i patrullës Fatmir Meço ka kryer shpërdorim të detyrës duke shpërndarë drogë dhe duke e përdorur atë në ambientet publike, kryesisht në lagjen e tij, duke u kthyer në shqetësim për komunitetin.
Efektivi po ashtu ka rrëfyer se konsumimin e drogës e ka nisur kur është bërë pjesë e policisë, por në asnjë rast nuk ka qenë shpërndarës i saj.
Por sipas Shërbimit të Kontrollit të Brendshëm dhe Ankesave Fatmir Meço duke shfrytëzuar pozicionin e tij, u garantonte pjesëtarëve të grupit lehtësi në mbajtjen dhe shpërndarjen e lëndëve narkotike. Në disa raste, dyshohet se ky punonjës policie ka transportuar dhe shpërndarë edhe vetë lëndë narkotike.
Top Channel
