Gara e Formula 1 në Austin të Teksasit, u dominua nga Hamilton që nga provat e lira dhe ato zyrtare, për ta mbyllur me ngjitjen në majën më të lartë, ku nuk ishte i vetëm pasi iu bashkua edhe Usain Bolt.
Spektakli i Hamilton nuk përfundoi me mbylljen e garës në Austin. Ai kishte rezervuar edhe një surprizë për xhamajkanin Bolt.
Hamilton i bëri një xhiro në pistë atletit me një Mercedes AMG GTR me vlerë 200 mijë dollarë.
“Unë isha gati për një gjë të tillë. Ishte pak e frikshme”, tha Bolt pasi ishte pasagjer i Hamilton.
Hamilton është shumë pranë titullit kampion për pilotë në Formulën 1, teksa pas Çmimit të Madh të Shteteve të Bashkuara e ka fatin në duart e tij për ta vulosur në garën e ardhshme në Meksikë.
Top Channel
