Vasili: Rama zhveshi policinë nga morali
22/10/2017 13:24
Arrestimi i Ilir Metës, Partia e Lirisë njofton protestë para SPAK. Ish-presidenti letër nga qelia! 25/11 19:02
Kryetari i grupit parlamentar të LSI-së, Petrit Vasili theksoi në një dalje para mediave se “kryeministri Edi Rama në këto 4 vjet e mbolli Shqipërinë me drogë dhe përgatiti krimin elektoral të 25 qershorit”.
“Edi Rama ishte sot në Policinë e Shtetit. Rikthimi tipik i vrasësit në vendin e krimit, pasi në këtë moment, njeriu që ka zhveshur nga çdo lloj morali Policinë e Shtetit është vetë Edi Rama, që ka që në vitin 2013 që zgjodhi ta drejtonte vetë policinë dhe jo ligji. Në këto 4 vjet e mbolli Shqipërinë me drogë, përgatiti krimin elektoral të 25 qershorit, ku i kërkoi policisë që të ishte aktore elektorale”, tha Vasili.
“Kjo nuk është policia që shqiptarët duan. Kjo është vetëm një kthim i Shqipërisë në një narkoshtet që drejtohet nga një narkotrafikant në krye”, shtoi Vasili.
Në fund, Vasili deklaroi se “të mërkurën, ky kryeministër ka një provë: të vendoset me krimin apo kundër tij; të vendoset në anën e ligjit apo antiligjit”.
Top Channel
