“Vdekja e Stalinit”

Bazuar në ngjarje reale të Rusisë së asaj kohe, që shërbyen si frymëzim për romanin me të njëjtin titull, të përdorur nga Iannucci dhe David Schneider si bazë për skenarin e tyre, filmi i rrëfen publikut luftën e egër dyditore mes vartësve të diktatorit se kush do të zinte vendin e tij, duke detajuar manovrat e tyre të dëshpëruara për ta katapultuar veten në pozicionin më të lartë të shtetit e për t’u siguruar se rivalët do të hiqeshin qafe përpara se udhëheqësi i madh të vdiste.

“Është një gjendje e vërtetë histerie, që respekton thellësisht historinë”, tha aktorja Andrea Riseborough, e vendosur në rolin e vajzës së Stalinit, Svetlana.

Por bisedat për abuzim me pushtetin tërhoqën pashmangshmërisht edhe komente mbi atë që “Hollywood”-i duhet të bëjë në vazhdim, pas skandalit të Harvey Weinstein, të përjashtuar nga Akademia e Filmit dhe Shkencave pas akuzave për ngacmime seksuale.

“Mendoj se Hollywood duhet të fillojë e të vërë rregull. E gjithë kjo situatë të kujton pak a shumë mënyrën sesi Beria sillej me gratë. Janë kaq shumë lidhje, duket si një gjë e frikshme për të cilën koha nuk ekziston”, tha David Schneider, bashkëskenarist.

“New York Times” dhe “The New Yorker” kanë publikuar që të dyja akuza nga një numër i madh femrash, që morën guximin të tregojnë se producenti i famshëm i kishte ngacmuar seksualisht, ndërsa 3 thonë se janë përdhunuar. 65-vjeçari mohon kategorikisht të ketë kryer marrëdhënie jokonsensuale me ndonjërën prej tyre.

Premiera e filmit “Vdekja e Stalinit” ishte në Londër, ndërkohë që ai do të fillojë të shfaqet në kinema nga data 20 tetor.

Top Channel