Holandës i duhet një mrekulli e “7”
08/10/2017 00:00
De Rossi: Me El Shaarawy-n më doli mirë, kjo Romë do të ngrinte kokë edhe me Mourinhon 25/04 22:49
Fitorja 3-1 në transfertë ndaj Bjellorusisë mban ende gjallë shpresat e Holandës për të kapur një vend në Play Off-et e kualifikueseve të botërorit, megjithëse për këtë do t’u duhet një mrekulli.
“Tulipanëve” u duhet të fitojnë me një diferencë prej 7 golash në ndeshjen e fundit të grupit A ndaj Suedisë në mënyrë që t’u rrëmbejnë skandinavëve vendin e dytë në grup.
Shpresat e skuadrës së drejtuar nga Dick Advocat u venitën pas fitores 8-0 të Suedisë ndaj Luksemburgut në Solna, që ishte fitorja më e thellë e tyre që prej vitit 1938.
Praktikisht, ndeshja e fundit që do të vendosë përballë këto dy skuadra duket një mision i pamundur për Holandën, sa edhe vetë Arjen Robben u dorëzua në fund të sfidës me Bjellorusinë.
“Të jemi të sinqertë, nuk besoj se do t’i shënojmë 7 gola Suedisë. Është e pamundur”, deklaroi ai.
Nëse mrekullia nuk ndodh, ky do të ishte kompeticioni i dytë radhazi ndërkombëtar për “Tulipanët”, që nuk arritën të kualifikoheshin as në Euro 2016.
Top Channel
