Berisha: Maxhorancën nuk e zë dhjetori, ka frikë të flasë
05/10/2017 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari 24/04 19:47
Sali Berisha ka deklaruar para gazetarëve pas ndërprerjes së seancës se maxhorancën nuk e zë dhjetori në pushtet pasi ka frikë të flasë. Berisha tha se Ruçi po sjell në Kuvend metodat e vjetra hoxhiste të policisë.
“Kjo shumicë po tregon se dhjetori, siç e ka nis nga frika e tmerri nuk e zë. Çfarë po kërkon opozita aty? Po kërkon që ky komision në dritën dhe të raportit të OSBE ODIHR të bëjë një diskutim. Këta nuk duan diskutim, e mbyllin. Këta kanë frikë nga fjala. Gramoz Ruçi po fut në Parlament metodat e vjetra policore hoxhiste. E parlajmëroj në mënyrë serioze të heqë dorë se janë të patolerueshme”, tha z. Berisha.
Ish kryeministri vijoi më tej duke thënë se kreu i meduzës së krimit në Shqipëri është Edi Rama. “Shqipëria ka një krye të meduzës së krimit të organizuar dhe kreu i meduzës është Edi Rama dhe çdo deklaratë që i devijon kësaj nuk e ndihmon luftën kundër krimit po përmkundrazi i jep strehë. Kryekumbar e Shqipërisë është Edi Rama”, tha më tej.
Top Channel
