NFL-ja vijon protestat, e gjitha kundër presidentit Trump
25/09/2017 00:00
Paradoksi Josep Martinez; jep siguri, por Interi në verë do të blejë një portier të ri… 22/12 12:22
Tensionet mes lojtarëve të “National Football League” (NFL) dhe presidentit amerikan Donald Trump janë rritur edhe më shumë.
Kreu i Shtëpisë së Bardhë u kërkoi të gjithë tifozëve të bojkotojnë skuadrat që nuk disiplinojnë ata që protestojnë.
Shumë prej lojtarëve të NFL-së u ulën në gjunjë në momentin e ekzekutimit të himnit amerikan, ndërsa të tjerë preferuan ta dëgjojnë atë duke lidhur krahët me njëri-tjetrin, si për të formuar një zinxhir njerëzor.
Por skuadra e Pittsburgh Steelers, që kishte një përballje me Chicago Bears, shkoi edhe më tej: lojtarët e kësaj skuadre nuk hynë fare në fushën e lojës në momentin e ekzekutimit të himnit, me përjashtim të njërit.
Fakti më interesant ishte ai në Philadelphia, ku agjentët e policisë u rreshtuan përkrah lojtarëve të skuadrës “Eagles” dhe pronarit të saj, Jeffrey Luri, gjatë himnit amerikan në shenjë solidariteti.
E gjithë kjo protestë e NFL-së erdhi pas fjalimit të Trump në një takim në Alabama, ku nuk nguroi të lëshojë fjalë të rënda fyese kundrejt lojtarëve që protestojnë, duke kërkuar edhe përjashtimin e tyre nga skuadra.
Kjo formë proteste e NFL-së nisi të aplikohej në vitin 2016, kur “quarterback”-u i San Francisco 49ers, Colin Kaepernick mbështeti një gju në tokë gjatë ekzekutimit të himnit, në shenjë proteste kundër vrasjes së afro-amerikanëve nga policia, një gjest që më pas u përdor edhe nga disa lojtarë të tjerë.
Top Channel
