City po merr formën e Guardiolës, por statistikat…
19/09/2017 00:00
Artan Hoxha tregon të vërtetën e ankandit: Ja pse Tirana vlen 1.6 milion euro! Ka qenë në greminë për 14 vite 23/04 10:29
Manchester City prodhoi një prej paraqitjeve më spektakolare sulmuese këtë sezon, me shkatërrimin që i bëri Ëatfordit 6-0 në “Vicarage Road”, një mesazh i qartë se për titullin do të vlejnë më shumë se kurrë milionat e sheikut arab të “Citizens”.
Skuadra e trajnerit Pep Guardiola u rikthye me një ritëm fantastik pas pushimit të kombëtareve, duke shënuar 15 gola në 3 ndeshje, gjë që po e kthen ekipin të denjë për filozofinë sulmuese të teknikut spanjoll.
Por pavarësisht se gjendet në majën e renditjes, së bashku me rivalët e të njëjtit qytet, si Manchester United, në fakt ky është fillimi më i keq sezonal për Cityn në 3 vite.
“Citizens” kanë marrë 13 pikë nga 15 të mundshmet, që është më pak se maksimumi i marrë në dy sezonet paraardhëse. “Armata” disamilionëshe e Pep Guardiolës la pikë ndaj Evertonit më 21 gusht. Gjithsesi ngushëllon fakti se sërish gjenden në majë dhe do të vazhdojnë luftën në fushë, si dhe atë psikologjike me “djajtë e kuq” të Mourinhos.
Mesfushori Kevin De Bruyne duket se është në qendër të gjithçkaje të mirë në lojën e skuadrës nga “Etihad Stadium”, madje trajneri Guardiola e cilësoi si një prej futbollistëve më të mirë që ka parë. Ky është vërtet një vlerësim i madh, nga një trajner që ka parë e stërvitur për 3 vite Lionel Messin.
Top Channel
